Podes participar se estás cursando ESO, bachallerato ou un ciclo formativo de grao medio nun centro da Comunidade de Galicia e se tes menos de 20 anos o 1 de xullo de 2024.

Terá lugar de maneira presencial o sábado 3 de febreiro de 2024 pola mañá na Escola Superior de Enxeñaría Informática da Universidade de Vigo (coa colaboración da Facultade de Informática da Universidade de A Coruña e a Escola Técnica Superior de Enxeñaría da Universidade de Santiago de Compostela).

A pre-inscripción está aberta ata o 15 de decembro e é un requisito para a posterior participación. Se queres saber como entrenar tes máis información en: Olimpíada Informática Española. Se tes algunha duda faínola saber a través de informacion@cpeig.gal.

A Olimpíada Informática Galega consta dun conxunto de problemas, xeneralmente entre 4 e 6. Cada problema deberá resolverse empregando unha linguaxe de programación que permita automatizar a súa resolución.

Na OIG permítese o uso de C++, Python ou Java. Cada problema describirá un escenario no que queremos que un programa de ordenador nos axude dalgún xeito. Os problemas da Olimpíada adoitan centrarse no deseño correcto e eficiente de algoritmos. Problemas das edicións anteriores do OIE poden servir de exemplo para entender que tipos de problemas se buscan.